సినిమా వార్తలు

అక్టోబరు 5న ‘నోటా’


9 months ago అక్టోబరు 5న  ‘నోటా’

యూత్ హీరో విజ‌య్ దేవ‌ర‌కొండ‌ తాజా సినిమా "నోటా" అక్టోబ‌ర్ 5న విడుద‌ల కానుంది. ఇందులో విజ‌య్ ముఖ్య‌మంత్రిగా న‌టిస్తున్నాడు. స‌త్య‌రాజ్, నాజ‌ర్ ప్ర‌ధాన పాత్ర‌ల్లో న‌టిస్తున్న ఈ చిత్రాన్ని ఆనంద్ శంక‌ర్ తెర‌కెక్కిస్తున్నాడు. రాజ‌కీయ నేప‌థ్యంలో తెర‌కెక్కుతున్న "నోటా"పై భారీ అంచ‌నాలున్నాయి. ఇప్ప‌టికే విడుద‌లైన ట్రైల‌ర్‌కు అద్భుత‌మైన రెస్పాన్స్ వ‌చ్చింది.

విజ‌య్ దేవ‌రొకండ‌కు ఇది తొలి ద్విభాషా చిత్రం. ఒకేసారి తెలుగు, త‌మిళ్ భాష‌ల్లో ఒకేసారి విడుద‌ల కానుంది ఈ చిత్రం త‌మిళ్ వ‌ర్ష‌న్‌లోనూ విజ‌య్ సొంత డ‌బ్బింగ్ చెప్పుకున్నారు. తెలుగులో రానా, మహేశ్ బాబు తర్వాత ముఖ్యమంత్రి పాత్రలో నటిస్తున్న హీరో విజయ్ దేవరకొండ. "నోటా"లో మెహ్రీన్ కౌర్ ఈ చిత్రంలో జ‌ర్న‌లిస్ట్ పాత్ర‌లో న‌టిస్తుంది. స్యామ్ సిఎస్ సంగీతం అందిస్తున్న ఈ చిత్రాన్ని స్టూడియో గ్రీన్ సంస్థ నిర్మించింది. శాంత‌న కృష్ణ‌ణ్ సినిమాటోగ్ర‌ఫీ అందించారు. ఈ చిత్రంతో త‌మిళ‌నాట కూడా పాగా వేయాల‌ని చూస్తున్నాడు విజ‌య్ దేవ‌ర‌కొండ‌.