సినిమా వార్తలు

క్రిస్మస్‌కు ముందుగా ‘యాత్ర’


7 months ago క్రిస్మస్‌కు ముందుగా ‘యాత్ర’

ఒక వైపు ఎన్టీఆర్ బయోపిక్, మరో వైపున వైఎస్ రాజశేఖర్ రెడ్డి బయోపిక్ శరవేగంగా నిర్మాణాలు జరుపుకుంటున్నాయి. వైఎస్ రాజశేఖర్ రెడ్డి  రాజకీయ జీవితాన్ని ఆయన కొనసాగించిన పాదయాత్ర మలుపు తిప్పిన విషయం విదితమే. ఆ పాదయాత్రను ఆధారంగా చేసుకునే 'యాత్ర' బయోపిక్ రూపొందిస్తున్నారు. వైఎస్ గా మమ్ముట్టి నటిస్తోన్న ఈ సినిమాకి మహి. వి రాఘవ్ దర్శకత్వం వహిస్తున్నారు.

తాజాగా ఈ సినిమా షూటింగు పార్టును పూర్తిచేసుకుందని సమాచారం. ఇప్పుడు నిర్మాణానంతర పనులలో  ఉన్నట్టు తెలుస్తోంది. కాగా ఈ చిత్రంలో రాజశేఖర్ రెడ్డి పాత్రపోషించిన మమ్ముట్టి తన పాత్రకి తానే డబ్బింగ్ చెప్పుకుంటున్నారు. జగపతిబాబు, సుహాసిని, రావు రమేష్, అనసూయ ఈ సినిమాలో ముఖ్యమైన పాత్రలను పోషించారు. డిసెంబర్ 21వ తేదీన  అంటే క్రిస్మస్ కు ముందుగానే ఈ సినిమాను భారీస్థాయిలో ప్రేక్షకుల ముందుకు తీసుకువచ్చేందుకు సన్నాహాలు జరుగుతున్నాయి.