సినిమా వార్తలు

అందంగా సాగిన 'సవ్యసాచి' లిరికల్ సాంగ్


9 months ago అందంగా సాగిన 'సవ్యసాచి' లిరికల్ సాంగ్

ఇటీవలే ‘శైలజారెడ్డి అల్లుడు’తో హిట్ కొట్టిన హీరో నాగ చైతన్య ‘సవ్యసాచి’ సినిమాతో మన ముందుకు రానున్నాడు. చందూ మొండేటి దర్శకత్వంలో ఈ సినిమా రూపొందుతోంది. నిధి అగర్వాల్ కథానాయికగా నటిస్తోన్న ఈ సినిమా, ఇప్పటికే చాలావరకూ చిత్రీకరణను పూర్తి చేసుకుంది. త్వరలోనే ఈ సినిమాను ప్రేక్షకుల ముందుకు తీసుకురానున్నారు. ఈ నేపథ్యంలో తాజాగా ఈ సినిమా నుంచి ఒక లిరికల్ సాంగ్ ను విడుదల చేశారు. "చాటుగ చాటుగ దాచిన మాటలు .. రోజులు రోజులు వేచిన చూపులు .. గీతలు దాటుకుని ఏవైపెళ్లాయో.. " అంటూ ఈ పాట మొదలవుతోంది.

ప్రేమలో పడిన నాయకా నాయికలు .. తమ మనసులోని భావాలకు అందమైన అక్షర రూపం ఇచ్చే క్రమంలో రూపొందిన పాటగా కనిపిస్తోంది. గతంలో కంటే ఈ సినిమాలో చైతూ మరింత హ్యాండ్సమ్ గా కనిపిస్తున్నాడు. ఇక నిధి అగర్వాల్ గ్లామర్ చూస్తుంటే .. పెద్ద హీరోల సరసన కూడా వరుస అవకాశాలను దక్కనున్నాయని ఇట్టే అనిపించడం ఖాయమంటున్నారు.